DAVIES, JOHN GRIFFITH (1836 - 1861), bardd a chyfieithydd
Dyddiad geni: 1836
Dyddiad marw: 1861
Rhiant: Phoebe Davies (née Griffiths)
Rhiant: John Davies
Rhyw: Gwryw
Galwedigaeth: bardd a chyfieithydd
Maes gweithgaredd: Barddoniaeth; Ysgolheictod ac Ieithoedd
Awdur: William Williams
Yr ail o bedwar o blant a fu i John [ George ] Davies ('Siôn Gymro'), Yetwen, Glandwr, Sir Benfro, a'i wraig Phoebe, merch J. D. Griffiths ac wyres y Parch. John Griffiths, Glandwr. Bu farw'r pedwar plentyn ym gymharol ifanc - Mary Ann yn 1860 yn 26, Elizabeth yn 1859 yn 19, David yn 1848 yn 5 oed, a John Griffith, a syrthiodd dros fwrdd y llong Hibernia yn agos i Lerpwl, 14 Mawrth 1861, pan oedd yn 25 mlwydd oed.
Addysgwyd ef yn ysgol ddyddiol James Humphreys, Glandwr, ac ysgolion Ceinewydd a Thredeml, Sir Benfro. Prentisiwyd ef yn deiliwr yn Arberth. Etifeddodd lawer o ddawn ei dad at ddysgu ieithoedd, ac aeth i'r môr fel morwr a theithio'r gwledydd tramor er mwyn gwneuthur hynny. Dysgwyd Lladin iddo gan ei dad, ac yna meistrolodd Hebraeg, Ffrangeg, Almaeneg, ac Eidaleg.
Ysgrifennodd lawer o farddoniaeth a rhyddiaith, y rhan fwyaf ohono'n gyfieithiadau, ond ychydig o'i waith llenyddol sydd wedi'i gadw, ac ni chyhoeddwyd dim ohono yn ystod ei fywyd. ' Gwylofain Petrarc,' cyfieithiad o'r Eidaleg, yw ei waith mwyaf adnabyddus. Ymddangosodd hwn mewn amryw o'i fywgraffiadau; ceir enghraifft o'i brydyddiaeth Saesneg, ' The Grave,' yn Y Beirniad, 1863, iv.
Awdur
- William Williams, (1885 - 1950)
- Y Beiriniad: cyhoeddiad trimisol, er egluro gwyddoriaeth, gwladyddiaeth, llenyddiaeth a chrefydd, 1863, iv, 244
- Y Diwygiwr, 1885, 93
- J. Ll. James ('Clwydwenfro'), 'Yetwen a'r teulu,' yn Y Diwygiwr, 1880-90
- T. R. Roberts, Eminent Welshmen: a short biographical dictionary of Welshmen... from the earliest times to the present (1908)
- Ben Davies, Siôn Gymro sef buchedd a gwaith y Parch. John Davies, Glandwr a Moreia, Penfro (Llandysul 1938)
- Josiah Thomas Jones, Geiriadur Bywgraffyddol o Enwogion Cymru (Aberdâr 1867-70), i, 196
- Archifau LlGC: NLW MS 8619B, NLW MS 8620A, NLW MS 8621E, NLW MS 8622D, NLW MS 8623C, NLW MS 8624D, NLW MS 8625C, NLW MS 8626D, NLW MS 8627D, NLW MS 8628D, NLW MS 11614E, NLW MS 15132C
Ffynonellau
- Wikidata: Q20733427
Dolenni Ychwanegol
Dyddiad cyhoeddi: 1953
Hawlfraint Erthygl: http://rightsstatements.org/page/InC/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.