DOWNMAN, JOHN (1749 - 1824), paentiwr

Ganwyd yn sir Ddinbych (nid yn Nyfnaint fel y dywed rhai) yn 1750. Bu'n astudio yn y 'Royal Academy Schools,' 1769, ac o dan Syr Benjamin West; fe'i gwnaethpwyd yn A.R.A. yn 1795. Yr oedd yng Nghaergrawnt yn 1777 yn paentio lluniau personau, yn Plymouth yn 1806, ac yn Exeter=, 1807-8. Priododd ferch William Jackson, organydd eglwys gadeiriol Exeter. Dychwelodd i Lundain i fyw, bu wedyn yn byw yng Nghaer=, ac, yn olaf oll, yn Wrecsam, lle yr oedd ei ferch yn byw (bu hi farw 1840).

Gweithiai mewn olew a dyfrliw. Dyma rai o'i luniau: 'A lady at work,' 'Death of Lucretia,' 'Rosalind.' Ysgythrodd Bartolozzi rai o'i ddarluniau, e.e. lluniau'r Duchess of Devonshire, Lady Duncannon, a Mrs. Siddons. Bu farw 24 Rhagfyr 1824 yn Wrecsam.

Nodyn golygyddol 2023:

Gwyddys bellach fod John Downman wedi ei eni yn Eynesbury, Huntingdonshire, ac iddo gael ei fedyddio yno ar 12 Medi 1749. Credir iddo fynychu ysgol yn Rhiwabon, Sir Ddinbych.

Awdur

• Y Parchedig Thomas Mardy Rees, (1871 - 1953)

Ffynonellau

• Michael Bryan, Bryan's dictionary of painters and engravers

Dolenni Ychwanegol

• VIAF: 17497318
• Wikidata: Q2662652

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/