Fe wnaethoch chi chwilio am dafydd ap gwilym
bedyddiwyd 26 Ebrill 1724, mab Ralph Eddowes, groser, Whitchurch, Swydd Amwythig. Yr oedd Joshua Eddowes yn bartner gyda JOHN COTTON yn 1749 os nad cyn hynny; cawsai John Cotton ryddfreiniad y 'Combrethren of Saddlers' ar 6 Mehefin 1740, eithr ar 25 Mai 1749 y derbyniwyd Eddowes. Parhaodd y bartneriaeth hyd 1765; dug Eddowes y busnes ymlaen hyd 1788, pan gymerth ei fab William Eddowes (ganwyd 1754) yn bartner, ac o hynny hyd farw'r tad ar 25 Medi 1811 enw'r ffyrm ydoedd ' J. and W. Eddowes '; dechreuasant gyhoeddi y Salopian Journal ar 29 Ionawr 1794. Y mae W. Rowlands (Llyfryddiaeth y Cymry) yn cofnodi cryn lawer o lyfrau a argraffwyd gan yr argraffwyr hyn, yn eu plith rai gweithiau pur bwysig yn eu dydd (e.e. Lloffion Prydyddiaeth… Mr. Rees Prichard, 1766, Gweledigaethau y Bardd Cwsg, 1768). Argraffodd Joshua Eddowes amryw o almanaciau Gwilym Howel hefyd. Enw ei wraig, a briododd 13 Medi 1753, oedd Lydia, merch William Phillips. Ceir ychwaneg o fanylion am William Eddowes, y mab, yn yr erthygl gan Ll. C. Lloyd a enwir isod.
Dyddiad cyhoeddi: 1953
Hawlfraint Erthygl: http://rightsstatements.org/page/InC-RUU/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.