EVANS, ROBERT TROGWY (1824 - 1901), gweinidog gyda'r Annibynwyr

Ganwyd ym mhlwyf Trefeglwys, sir Fôn. Fe'i trwyddedwyd i bregethu yn 1849 a chafodd ei addysg yng Ngholeg y Bala o dan Michael Jones (yr hynaf). Bu'n fugail eglwys Annibynnol Gymraeg yn Manchester; ordeiniwyd ef yno 12 Medi 1853. Wedi bod yno am bedair blynedd aeth yn weinidog ar eglwys yn Greenfield, Sir y Fflint. Ymfudodd i U.D.A. yn 1870; yno bu'n weinidog yn Remsen, talaith New York, gan ddilyn Morris Roberts, ac ar ôl aros yno am 11 mlynedd aeth i Oskosh, Wisconsin, yn 1881, i weinidogaethu. Cyhoeddodd Myvyrdodydd Ieuanc (llyfr ar ddirwest), Y Ddiwioleg (Utica, 1873), cân faith iawn, Marwnadau … Robert Everett … a Morris Roberts … (Remsen, c. 1878), a Y Bedydd Cristionogol. Bu'n ddadleuwr selog yng Nghymru dros ddirwest ac ysgrifennodd rai caneuon ac emynau dirwestol. Bu farw yn 1901.

Awdur

• Robert (Bob) Owen, (1885 - 1962)

Ffynonellau

• The Cambrian, 1884, 332
• Edward Jones, Rhestr gyda nodiadau byrion, o Enwogion Cymreig o 1700 i 1900 (1908)
• Bye-Gones, relating to Wales and the Border Counties, 1902, 271

Dolenni Ychwanegol

• VIAF: 56559221
• Wikidata: Q20734367

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/