JONES, ROBERT (1706? - 1742), castell Ffonmon, Sir Forgannwg, bonheddwr tiriog

Ganwyd yng nghastell Ffonmon, mab Robert Jones (1681 - 1715?), aelod seneddol dros Forgannwg (1710, 1713, 1714), a gorŵyr i'r milwriad (colonel) Philip Jones. Addysgwyd ef yn Christ Church, Rhydychen, lle yr oedd yn gyfoed â Charles Wesley; ymaelododd ar 24 Ebrill 1724, ond dychwelodd i Ffonmon heb raddio. Yr oedd yn siryf Morgannwg yn 1729. Yn 1732 priododd Mary, merch Robert Forrest, Minehead, Gwlad-yr-haf; bu iddynt bump o blant, un bachgen a phedair merch. O bryd i bryd croesawodd Howel Harris a Charles Wesley i gastell Ffonmon, ond gan ei fod o blaid Arminiaeth, daeth yn gyfaill cadarn ac yn ddilynwr gweithgar i Wesley, gan arloesi'r ffordd iddo i bregethu mewn nifer o eglwysi Bro Morgannwg. Bu farw 8 Mehefin 1742, a chladdwyd ef ym Mhenmarc, Morgannwg.

Awdur

• Dr Moelwyn Idwal Williams

Ffynonellau

• G. T. Clark, Limbus Patrum Morganiae et Glamorganiae (1886)
• Archifau LlGC: NLW MS (Fonmon) 6
• Proceedings of the Wesley Historical Society, iii, iv, xxvi
• Archaeologia Cambrensis, iii; vii, 18
• Curnock (gol.), The journal of the Rev. John Wesley enlarged from original mss., with notes from unpublished diaries, annotations, maps, and illustrations (1938) ii, 564, 505, 518; iii, 29

Dolenni Ychwanegol

• Wikidata: Q20734340

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/