LEWIS, THOMAS (fl. 1731-49), cyfieithydd a chynghorwr Methodistaidd

Dywedir ei fod yn frawd i John Lewis, argraffydd. Tybir mai ef a drosodd yn Gymraeg un o lyfrau Bunyan, sef Bywyd a Marwolaeth yr Annuwiol dan enw Mr. Drygddyn (Caerfyrddin, 1731). Apwyntiwyd ef yn gynghorwr cyhoeddus yn sasiwn Watford, 1743, ond prin y gellir dweud mai ef yw'r 'Thos. Lewis' a ddewiswyd i gynghori'n breifat yn 'Pentruch' a 'Newhouse.' Y mae'n amheus hefyd ai ef ynteu Thomas Lewis, curad Merthyr Cynog (ficer Llanddew 1741-1783), yw'r gŵr a gyfrifid yn brif arolygwr seiadau Brycheiniog. Yn ddiweddarach yn 1743 fe'i penodwyd i arolygu'r seiadau rhwng y 'Passage' (dros Hafren) ac afon Wysg, ac i gynorthwyo'r brodyr Saesneg pan fyddai angen. Enwir rhyw Thomas Lewis yn aelod o sasiynau ym Morgannwg yn 1747-9 yn adroddiadau Thomas William, Eglwys Ilan.

Awdur

• Y Parchedig Gomer Morgan Roberts, (1904 - 1993)

Ffynonellau

• Cylchgrawn Cymdeithas Hanes y Methodistiaid Calfinaidd, v, 8; xxviii, 38-40; xxix, 28, 70-3, 134; xxx, 30
• W. Rowlands, Llyfryddiaeth y Cymry (Llanidloes 1869), 360
• M. H. Jones, The Trevecka Letters, or the unpublished MSS. correspondence of Howell Harris and his contemporaries (1932), 274, 278
• J. Morgan Jones a W. Morgan, Y Tadau Methodistaidd (1895-1897), i, 205

Gweithiau

• John Bunyan, Thomas Lewis, Bywyd a marwolaeth yr annuwiol dan enw Mr. Drygddyn (Caerfyrddin 1731)
• William Dyer, Thomas Baddy (cyf.), Thomas Lewis (cyf.), Cyfoeth i'r Cymru. Neu Dryssor y ffyddloniaid (Caer 1714)

Dolenni Ychwanegol

• Wikidata: Q20734494

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/