LEWIS, TITUS (1822 - 1887), hynafiaethydd

Ganwyd Mawrth 1822; brodor o Lanelli. Bu mewn cysylltiad â masnach gydol ei oes, ac yn gynrychiolydd cwmni Watts, perchenogion ystordy mawr ym Manceinion, am dros 30 mlynedd. Daeth i fyw i S. Quentin's, Llanbleddian, ger y Bont-faen, ac enillodd fri yn lleol fel hynafiaethydd a llenor. Er mai prin oedd ei gyfle i lenydda, cafodd yr anrhydedd o'i ethol yn F.S.A. Ysgrifennai hefyd farddoniaeth yn yr iaith Saesneg. Ymhlith ei weithiau cyhoeddedig ceir cân hir, The Soldier's Wife, a Tale of Inkerman, 1855. Ysgrifennodd y geiriau Saesneg i ' Mynyddog,' 1877, cyfansoddiad gan Joseph Parry, a throsiadau Saesneg o weithiau David Evans ('Dewi Haran'), mewn detholiad o'i farddoniaeth, a olygwyd gan William Thomas ('Glanffrwd'), dan y teitl Telyn Haran, 1878. Bu farw yn Llansteffan, Sir Gaerfyrddin, 10 Medi 1887, ychydig wythnosau ar ôl ymddeol.

Awdur

• Walter Thomas Morgan, (1912 - 1990)

Ffynonellau

• Western Mail, 12 Medi 1887
• South Wales Press, 15 Medi 1887
• Catalogue of Printed Literature in the Welsh Department, Cardiff Free Libraries (1898)

Dolenni Ychwanegol

• Wikidata: Q20734546

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/