NORRIS, CHARLES (1779 - 1858), arlunydd ac ysgythrwr

Ganwyd 24 Awst 1779 yn ail fab i John Norris, masnachwr cyfoethog yn Llundain, o'i wraig Catherine (Lynch), gwraig ysgaredig Henry Knight o Landidwg ym Morgannwg (gweler yr ysgrif ' Knight '). Nid oedd yn Gymro, ond yng Nghymru y bu'n byw ac yn gweithio am gryn hanner canrif. Ymsefydlodd yn 1800 yn Aberdaugleddau, ond symudodd yn 1810 i Ddinbych-y-pysgod, lle y bu farw 16 Hydref 1858; â Thyddewi a Phenfro a Dinbych-y-pysgod y mae a fynno'r mwyafrif mawr o'i ddarluniau; cyhoeddodd hefyd lyfr, A Historical Account of Tenby, yn 1818 (2il arg. 1820). Yr oedd yn 'gymeriad,' ac y mae ysgrif fywiog arno gan Edward Laws yn Archæologia Cambrensis, 1891 - arni y seiliwyd yr ysgrif yn y D.N.B.

Awdur

• Yr Athro Emeritus Robert Thomas Jenkins, (1881 - 1969)

Ffynonellau

• Gweler hefyd A. L. Leach, Charles Norris, 1779-1858, of Tenby and Waterwynch, topographical artist (Dinbych 1949) (Tenby, 1949), gyda rhestr o'i weithiau gwreiddiol (amryw esiamplau ohonynt yn Ll.G.C.)

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/