PRYS, STAFFORD (1732 - 1784), gwerthwr llyfrau ac argraffydd yn Amwythig

bedyddiwyd yn 1732, ail fab Stafford Price, M.D., a Mary (Evans) - y tad o deulu Pertheirin, plwyf Llanwnog, Sir Drefaldwyn, a'r fam o deulu Stradlingiaid S. Dunawd, Morgannwg. Prentisiwyd ef, 21 Tachwedd 1750, gyda Thomas Durston. Cafodd Stafford Prys ryddfreiniad y ' Combrethren of Saddlers,' Amwythig, 24 Mai 1758, y flwyddyn yr ymsefydlodd fel argraffydd a chanddo ei fusnes ei hun yn y dref honno, a dygodd ei fusnes ymlaen hyd ei farw yn 1784 pryd y dilynwyd ef gan ei weddw Ann Prys (1737 - 1826), merch Thomas Bright, Amwythig. Argraffwyd llawer o lyfrau Cymraeg a baledi yng ngwasg Stafford Prys, gŵr y gellir bod yn weddol bendant ei fod yn Gymro. Yn Tair o Gerddi, a argraffwyd ganddo ym mis Hydref 1758, ceir y geiriau hyn: ' Rhybŷdd i'm Cydwladwyr y Cymru. Fy mod i Stafford Prys Gwerthwr Llyfrau yn agos i Farchnad y Garddwyr neu'r Green Market wedi codi Argraffwasg.' Am deitlau rhai o'i gynhyrchion gweler y ffynonellau a enwir isod.

Awdur

• Syr William Llewelyn Davies, (1887 - 1952)

Ffynonellau

• W. Rowlands, Llyfryddiaeth y Cymry (Llanidloes 1869)
• J. H. Davies, A Bibliography of Welsh Ballads printed in the 18th century (London 1908-11)
• Ifano Jones, A history of printing and printers in Wales to 1810, and of successive and related printers to 1923 (Cardiff 1925)
• Llewelyn C. Lloyd, 'The Book-Trade in Shropshire,' yn Transactions of the Shropshire Archaeological and Natural History Society, 1935 a 1936

Darllen Pellach

• Erthygl Wicipedia: Stafford Prys

Dolenni Ychwanegol

• Wikidata: Q18535874

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/