Fe wnaethoch chi chwilio am henry morgan
Ganwyd yn ardal Llanfyllin yn 1832. Bwriadai'r Parch. Richard Richards (gweler Richards, Thomas) wneud clerigwr ohono, ond bu hwnnw farw. Yn 1859 ymunodd Henry Rowlands â heddlu sir Ddinbych. Bu'n heddgeidwad yng Nghefn Mawr, Llanrhaeadr-ym-Mochnant, Llansilin, a Llandegla. Ymddiswyddodd yn 1891 a symud i Langollen i fyw. Gwnaethpwyd ef yn gyfieithydd swyddogol i'r llysoedd yn Wrecsam, 1893, swydd a ddaliodd hyd Fai 1902. Bu farw yn ei gartref yn Abbey Road, Llangollen, 28 Ionawr 1903, yn 70 oed. Ysgrifennodd lawer i wahanol gylchgronau megis yr Haul, Y Cyfaill Eglwysig, Y Cronicl, Yr Eurgrawn, Y Winllan, ac ysgrifennai'n gyson i Bye-Gones o'i ddechreuad hyd 1901. Drwy gyfrwng ei lafur ef yn y Wasg y cafwyd cofgolofn i Huw Morys yn Llansilin. Y mae amryw o'i emynau yn Emyniadur yr Eglwys. Efelychiadau o'r Saesneg yw llawer o'i farddoniaeth.
Dyddiad cyhoeddi: 1953
Hawlfraint Erthygl: http://rightsstatements.org/page/InC/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.