IEUAN FYCHAN ap IEUAN ab ADDA (bu farw c. 1458), uchelwr a bardd

Ceir llawer o fanylion amdano yn llyfr Mostyn a T. Allen Glenn, History of the Family of Mostyn of Mostyn (Llundain, 1925). Yn Pengwern, sir Ddinbych, yr oedd yn byw cyn iddo briodi Angharad, aeres Mostyn. Yr oedd yn gyfeillgar â rhai o'r beirdd, e.e. Guto'r Glyn a Maredudd ap Rhys, a cheir ychydig o'i waith ef ei hun yn y llawysgrifau, e.e. yr 'ymryson' rhyngddo â Maredudd ap Rhys. Awgrymir gan arglwydd Mostyn a T. A. Glenn iddo gael ei addysg yn abaty Valle Crucis ac, efallai, yn un o'r ddwy brifysgol yn Lloegr. Bu'n ysgwier yng ngwasanaeth Thomas Fitz Alan, iarll Arundel ac arglwydd y Waun (a Nanheudwy); bu hefyd yn ymladd yn Ffrainc. Fe'i dilynwyd ym Mostyn c. 1457 neu 1458 gan ei fab Howel ap Ieuan, tad Richard ap Howel; gweler yr erthygl ar Mostyn (Mostyn).

Awdur

• Syr William Llewelyn Davies, (1887 - 1952)

Ffynonellau

• Jones a Lewis, Mynegai i Farddoniaeth y Llawysgrifau (1928)
• Archifau LlGC: NLW MS 1557C, NLW MS 3050D, NLW MS 3072E, NLW MS 5269B, NLW MS 11087B, NLW MS 11816B
• Archifau LlGC: Peniarth MS 89: Cywyddau John [Siôn] Phylip
• Archifau LlGC: Peniarth MS 289: Siryddion ac is-siryddion Trefaldwyn

Dolenni Ychwanegol

• Wikidata: Q20733271

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/