JONES, EDWARD ('yr ail '; 1775 - 1838), gweinidog Wesleaidd

Ganwyd yng Nghynwyd, 1775. Cyn ei dröedigaeth bu'n chwarae mewn anterliwtiau ac yn eu cyfansoddi. Ymunodd â'r Wesleaid yn gynnar, a gweinidogaethodd ar gylchdeithiau Biwmares (1804), Trallwng (1805), Merthyr (1806), Machynlleth (1807), Rhuthyn (1808), Dolgellau (1809), Aberystwyth (1811), ac Abertawy (1813). Oherwydd afiechyd gorfu iddo ymneilltuo yn 1815; bu farw 15 Ebrill 1838. Ceir rhestr o'i weithiau a gyhoeddwyd yn Yr Eurgrawn Wesleyaidd yn H. Wesl. G., i, 276. Dywedir iddo ef a John Bryan gyhoeddi casgliad o emynau yn 1805, ond credai T. Jones Humphreys mai Edward Jones, Bathafarn oedd cydolygydd y gwaith hwnnw.

Awdur

• Y Parchedig Griffith Thomas Roberts, (1887 - 1977)

Ffynonellau

• Yr Eurgrawn Wesleyaidd, 1902, 342
• J. Jones, Y Bywgraffydd Wesleyaidd yn cynwys bras-hanes am un a thriugain o weinidogion Wesleyaidd Cymreig yn nghyda 35 o weinidogion a gwyr lleyg Saesonig (Machynlleth 1866), 153-5
• Hugh Jones, Hanes Wesleyaeth Gymreig (1911–3), i, 273-6
• W. Rowlands, Cofiant bywyd a marwolaeth y diweddar Barch. John Davies, gweinidog Wesleyaidd, 1847, 14-5

Dolenni Ychwanegol

• Wikidata: Q20732953

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/