THOMAS, EVAN (bu farw 1781), Cwmhwylfod, Sarnau, gerllaw'r Bala, copïydd a pherchennog llawysgrifau
Dyddiad marw: 1781
Rhyw: Gwryw
Galwedigaeth: copïydd a pherchennog llawysgrifau
Cartref: Cwmhwylfod
Maes gweithgaredd: Hanes a Diwylliant; Llenyddiaeth ac Ysgrifennu
Awdur: William Llewelyn Davies
Golygodd E. Stanton Roberts un o'i lawysgrifau (NLW MS 686B ) a'i gyhoeddi o dan y teitl Llysieulyfr Meddyginiaethol a briodolir i William Salesbury (Liverpool, 1916). Bu Cwrtmawr MS 1D (un o lawysgrifau Ellis Gruffydd, y sawdiwr o Galais, ac yn cynnwys adrannau ar feddyginiaeth a llysiau) a NLW MS 642B yn eiddo Evan Thomas, ac erbyn hyn gellir dywedyd hefyd iddo fod yn berchen NLW MS 4581B sydd yn gopi cynharach o'r 'Llysieulyfr Meddyginiaethol,' sef copi a wnaeth Roger Morris, Coed y Talwrn, Llanfair Dyffryn Clwyd, a oedd yn gyfaill i William Salesbury. Yn ôl cofrestr plwyf Llanfor, Sir Feirionnydd, claddwyd 'Evan Thomas of Penmaen Township' ar 12 Ionawr 1781.
Awdur
- Syr William Llewelyn Davies, (1887 - 1952)
- Megan Ellis, 'Evan Thomas,' yn Cylchgrawn Llyfrgell Genedlaethol Cymru, i, 111
Ffynonellau
- Wikidata: Q20733043
Dolenni Ychwanegol
Dyddiad cyhoeddi: 1953
Hawlfraint Erthygl: http://rightsstatements.org/page/InC-RUU/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.