THOMAS, FRANCIS ('Crythwr Dall o Geredigion '; 1726 - 1796)

Ganwyd yn Llanwennog, Sir Aberteifi. Pan oedd yn 5 mlwydd oed collodd ei olwg, ond ar waethaf hyn meistrolodd ganu'r ffidil ac enillai ei fywoliaeth fel datgeiniad mewn partïon a chynulliadau o'r fath. Yr oedd hefyd yn fardd da, a dysgodd y gelfyddyd gan Dafydd Llwyd, Brynllefrith, a chopïwyd ei gerddi drosto gan Siôn Llwyd, taid y Parch. D. Lloyd Isaac. Canai yn Gymraeg ac yn Saesneg, a chyhoeddwyd dwy o'i gerddi, ' Cynghor i Fab Ieuanc ' a ' Hanes Cyflwr Dyn yn mhob rhan o'i oes,' gan John Howell ('Ioan Howell') yn Blodau Dyfed, 1824. Bu farw 4 Mawrth 1796 yn Llanwennog.

Awdur

• Thomas Isfryn Jones

Ffynonellau

• Benjamin Williams (Gwynionydd), Enwogion Ceredigion (1869)
• Griffith Jones (Glan Menai), Enwogion Sir Aberteifi (1868)
• M. O. Jones, Bywgraffiaeth Cerddorion Cymreig (1890)

Dolenni Ychwanegol

• Wikidata: Q28361468

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/