WILLIAMS, EVAN (1816 - 1878), gweinidog gyda'r Methodistiaid Calfinaidd ac arlunydd

Ganwyd c. 1816, brodor o Ledrod, Sir Aberteifi. Bu'n genhadwr ymhlith Cymry Llundain am tua phedair blynedd. Dechreuodd bregethu yn yr Wyddgrug yn 1848; daeth i Gaernarfon i fyw yn 1851 ac ordeiniwyd ef yn 1859. Bu farw 2 Hydref 1878, yn 62 oed. Ni bu ganddo ofal eglwys.

Yr oedd yn fwy adnabyddus fel arlunydd ('Evan Williams y limner' oedd yr new arferol arno), a phaentiodd ddarluniau o amryw o'i gyfoedion, megis 'Eben Fardd,' Dafydd Jones (Treborth), ac Edward Morgan, y Dyffryn. Yn ei ddarluniau o olygfeydd natur y ceir ei waith gorau, yn enwedig ei ddarluniau o fynyddoedd a llynnoedd yn Eryri. Bu ganddo gyfres o ysgrifau diddorol ar 'Y Gelfyddyd o Arlunio' yn Y Traethodydd o Hydref 1848 hyd Hydref 1849.

Y mae ei fedd ym mynwent Caeathro, ger Caernarfon. Gweler John William Prichard (1749-1829)

Awdur

• Edward Morgan Humphreys, (1882 - 1955)

Ffynonellau

• Richard Owen, Bethesda, yn Y Goleuad, 19 Hydref 1875
• W. Hobley, Hanes Methodistiaeth Arfon, iii, 3
• Edward Jones, Y gymdeithasfa yn cynnwys gweithrediadau cymdeithasfa chwarterol y Methodistiaid Calfinaidd yn ngogledd Cymru, a'r gymanfa gyffredinol ynghyda'r ordeiniadau gweinidogaethol, a'r arholiadau cymdeithasfaol, yn y gogledd a'r deheudir, hyd y flwyddyn 1890 (Caernarfon 1891)

Gweithiau

• Evan Williams, John Jones of Talysarn 1796-1857

Dolenni Ychwanegol

• Wikidata: Q20804701

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/