GRUFFUDD HAFREN (fl. c. 1600), bardd y ceir llawer o'i waith mewn llawysgrifau

Enw: Gruffudd Hafren
Rhyw: Gwryw
Galwedigaeth: bardd y ceir llawer o'i waith mewn llawysgrifau
Maes gweithgaredd: Barddoniaeth
Awdur: Ray Looker

Yn eu plith ceir cywyddau i wahanol aelodau teulu Gogerddan (Llanst. MS. 118 (376)), Llyweni (N.L.W. MSS. 6494 (29, 44), 6495 (64), 6496 (281b) — yn llaw'r bardd, y mae'n debyg), a'r Henllys, sir Benfro (Llanst. MS. 133 (773). Canodd ddau gywydd moliant i'r Dr. John Davies o Fallwyd (N.L.W. MS. 5269 (393b, 405)), a chywyddau marwnad i'r beirdd Sion Phylip (N.L.W. MS. 799 (40)) a Thomas Penllyn (Cwrtmawr MS. 11 (189)). Canwyd ymryson rhwng Rhisiart Phylip ac yntau, a Sion Phylip ac Ieuan Tew (Llanst. MS. 133 (497-500)); a bu un byrrach rhyngddo a Roger Cyffin (Cwrtmawr MS. 206 (101)). Ni chafwyd dim o hanes ei fywyd.

Awdur

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/