IEUAN ap GRUFFUDD LEIAF (fl. ail hanner y 15fed ganrif), bardd

aelod o un o deuluoedd sir Ddinbych, mab Gruffudd Leiaf ap Gruffudd Fychan ap Gruffudd ap Dafydd Goch, o linach Owain Gwynedd (Peniarth MS. 127 (19)). Cadwyd peth o'i farddoniaeth mewn llawysgrifau, ac yn ei phlith gywyddau ac awdlau i aelodau teulu'r Penrhyn a Nanconwy, cywyddau brud a chrefyddol, cywydd i Aberconwy, cywydd dychan i afon Llugwy am rwystro'r bardd ar ei ffordd i'r Penrhyn, ac ymryson rhyngddo a Guto'r Glyn (Gwaith Guto'r Glyn, 17, a Peniarth MS. 99 (624)). Ceir ychydig o farddoniaeth ei dad, Gruffydd Leiaf, ac hefyd Syr Sion Leiaf (ei fab) a Rhobert Leiaf (ei ewythr neu ei fab) yn y llawysgrifau.

Awdur

• Ray Looker, Caerdydd

Ffynonellau

• Jones a Lewis, Mynegai i Farddoniaeth y Llawysgrifau (1928);
• Ifor Williams a J. Llywelyn Williams, Gwaith Guto'r Glyn (1939), 1939;
• 'Dictionary of Welsh Biography';
• Cymru yn hanesyddol, parthedegol, a bywgraphyddol (1875);
• Eminent Welshmen: a short biographical dictionary of Welshmen... from the earliest times to the present (1908);
• ‘Gweirydd ap Rhys,' Hanes Llenyddiaeth Gymreig, 1300–1650 (1885);
• William Owen Pughe, The Cambrian Biography (1803).
• (Rhoir dyddiadau ychydig rhy ddiweddar gan y pum olaf hyn.)
• Edward Davies, Traethawd ar Enwogion Swydd Feirion, hen a diweddar, yn gelfyddydwyr, beirdd, gwyddonwyr, pregethwyr, 1870.

Darllen Pellach

• Erthygl Wicipedia: Ieuan ap Gruffudd Leiaf

Dolenni Ychwanegol

• Wikidata: http://www.wikidata.org/entity/Q20733261

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/