JONES, SAMUEL (fl. 1715-64), gweinidog Annibynnol ac athro ysgol

Ganwyd ym mhlwyf Llanedi, Sir Gaerfyrddin, fel y tybir - eithr awgrymir Llangyfelach, Sir Forgannwg, hefyd. Yr oedd yn academi Caerfyrddin, dan William Evans, c. 1715, a bernir ei fod yn gwasanaethu eglwys neilltuol yn ystod ei dymor yn yr academi. Bu'n weinidog Capel Seion, Llanddarog, Sir Gaerfyrddin, 1720-52, a Tirdoncyn, Sir Forgannwg, 1720-59. Preswyliai yn Pentwyn, Llannon, Sir Gaerfyrddin; cadwai ysgol yno am 22 mlynedd, a daeth amryw o'i ddisgyblion yn wŷr blaenllaw - Dr. Richard Price, Owen Rees, Thomas Morgan (Henllan), Noah Jones (Walsall), etc. Symudodd, c. 1766, i Dreforris, Sir Forgannwg, lle yr agorodd ysgol a'i fab yn athro ynddi. Drwgdybid ef, gan rai, o fod yn Ariad, eithr tystiolaetha ei bregethau ei fod yn efengylaidd ei ysbryd a'i farn.

Bu farw yn 1767. Cofnodir claddu 'Rev. Samuel Jones' yng nghofrestr plwy Llanedi ar 10 Awst 1767.

Awdur

• Y Parchedig John Dyfnallt Owen, (1873 - 1956)

Ffynonellau

• Walter J. Evans, NLW MS 10328B: Carmarthen Presbyterian College roll of students
• Yr Ymofynnydd, 1888, 104
• Y Beiriniad: cyhoeddiad trimisol, er egluro gwyddoriaeth, gwladyddiaeth, llenyddiaeth a chrefydd, ii, 318
• John Davies, Y Lloffyn Addfed neu gasgliad o hanes … Ymneillduaeth … yn Abertawy a'i chymydogaethau (Abertawy 1852), 37
• Hanes Eglwysi Annibynnol Cymru, ii, 8, 19: iii, 472, 507
• Archifau LlGC: dyddlyfrau Thomas Morgan (Henllan) yn Henllan Manuscripts

Dolenni Ychwanegol

• Wikidata: Q20734391

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/