MORGAN, EDWARD (1783 - 1869), clerigwr efengylaidd, cofiannydd a chroniclydd ffeithiau pwysig ynglŷn â'r diwygiad Methodistaidd yng Nghymru

Mab ydoedd i David Morgan, Pîl (Pyle), Sir Forgannwg, ac yno, yn Tŷ Tanglwst, y ganed ef, a'i fedyddio 7 Tachwedd 1783. Aeth i Goleg Iesu, Rhydychen, 1802 (B.A. 1806, M.A. 1811). Derbyniodd ficeriaeth Syston, Leicestershire, yn 1814, ac at hynny cafodd ficeriaeth Ratcliffe, gerllaw, yn 1818. Hwylusir ymchwil i hanes y diwygiad Methodistaidd yng Nghymru o droi ato.

Ei arwr mawr a'i gynddelw oedd Thomas Charles o'r Bala. Ymffrostiai yn ei gyfeillgarwch â Charles, ac yn ei farw ef (1814) collodd ei gyfarwyddwr. Gohebent â'i gilydd yn gyson. Ysgrifennodd A brief history of the life and labours of the Rev. T. Charles, 1828, eithr benthyciodd ar y mwyaf o gofiant gan Thomas Jones, 1816 (gweler hefyd dan Davies, Morris); ac Essays, Letters, and Interesting Papers of the late Rev. Thomas Charles, 1836. Ei ail arwr oedd David Jones, Llan-gan. Ysgrifennodd Ministerial Records or Brief Accounts of the Great Progress of Religion under the Ministry of … Daniel Rowlands of Llangeitho, The Rev. W. Williams of Pant y Celyn, The Rev. D. Jones of Llangan, 1840, Ysgrifennodd gofiant i John Elias (gweler Y Traethodydd, 1845, 112), Short Memoir of the Rev. Henry Philips, late of Coychurch, ei hen athro, a hefyd gofiant yn Gymraeg i'w fam.

Bu farw ym Mehefin 1869; dywed ei garreg fedd (ar gam) ei fod 'yn 93 oed.'

Awdur

• Y Parchedig Daniel Williams, (1878 - 1968)

Ffynonellau

• Foster, Alumni Oxonienses: the members of the University of Oxford
• Crockford's Clerical Directory, 1868
• Catalogue of Printed Literature in the Welsh Department, Cardiff Free Libraries (1898)
• Charles Ashton, Hanes llenyddiaeth Gymreig o 1651 O.C. hyd 1850 (1893)
• ewyllys ddyddiedig 27 Gorffennaf 1860
• Gomer M. Roberts, Cylchgrawn Cymdeithas Hanes y Methodistiaid Calfinaidd, 1962, tt.13-22

Gweithiau

• Edward Morgan, Ministerial records: or Brief accounts of the great progress of religion, under the ministry of those eminent, learned, and pious ministers of God, the Rev. D. Rowlands, of Llangeitho, the Rev. W. Williams, of Pant-y-Celin, the Rev. D. Jones, of Llangan (London 1840)
• Edward Morgan, The life and times of Howel Harris, Esq: the first itinerant preacher in Wales, whose labours were very extraordinary and successful (Holywell 1852)
• Edward Morgan, Ministerial record: or brief account of the great progress of religion, under the ministry of D. Jones (London 1841)
• Edward Morgan, A short memoir of the Rev. Henry Philips, late of Coychurch, Glamorganshire (London 183-)
• Edward Morgan, A memoir of the Rev. John Elias, of Anglesea (Liverpool 1844)
• Edward Morgan, Valuable letters, essays, and other papers of the late Reverend John Elias, of Anglesea (Carnarvon 1847)
• Edward Morgan, Home Light, or, Brief memoirs and letters of the Rev. R. Bassett, Vicar of Colwinstone, and E. Bassett, Esq., Glamorganshire (Carnarvon 1860)

Dolenni Ychwanegol

• Wikidata: Q20732966

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/