MORRIS, MORRIS ap RHISIART, neu MORRIS PRICHARD (1674 - 1763),

tad Lewis, Richard, William, a John Morris (gweler yr ysgrifau arnynt), a gŵr Margaret Owen (1671 - 1752) o Fodafon-y-glyn yn Llanfihangel-tre'r-beirdd; fe'i ganwyd ef yn y Tyddyn Melus yn yr un plwyf, a phriododd ym mis Mehefin 1699. Wedi geni ei fab hynaf (1701), aeth i fyw i'r Fferem, ond symudodd yn 1707 i Bentrerianell, gan ddal ymlaen gyda'i waith fel cylchwr, ac amaethu. Pan fu farw ei wraig, aeth ei ŵyres Margaret Owen (merch ei ferch Elin) a'i gŵr yno i fyw gydag ef. Ymadawodd â Phentrerianell yn 1761, a mynd i fyw mewn llety yn Llannerch-y-medd, lle y bu farw 25 Tachwedd 1763. Cyfranogai yn niddordebau llenyddol a hynafiaethol ei feibion.

Awdur

• Hugh Owen, (1880 - 1953)

Ffynonellau

• J. H. Davies (gol.), The Letters of Lewis, Richard, William, and John Morris, of Anglesey, (Morrisiaid Môn) 1728-1765 (1907–9), cyf. I, cyf. II
• mynegeion gan Hugh Owen)
• Hugh Owen (gol.), Additional Letters of the Morrises of Anglesey (1735-86) (London 1947-9)

Dolenni Ychwanegol

• Wikidata: Q20627091

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/