RHYS GOCH GLYNDYFRDWY (fl. c. 1460), bardd yr uchelwyr

Fel Guto'r Glyn, canodd yntau gywydd mawl i bum mab Llywelyn ap Hwlcyn o Fôn. Yr oedd cysylltiadau rhwng disgynyddion Llywelyn a theulu Pilstwn, a cheir cywydd marwnad gan Rys Goch i Siôn Pilstwn, aer Emrall. Y mae ei gywydd hiraeth am Rosier ap Siôn o Forgannwg yn ddiddorol am ei fod yn cynnwys cyfeiriad at gywydd Gruffydd Llwyd i yrru'r haul annerch y dalaith. Adlewyrchir anhrefn ei gyfnod mewn cywydd arall a ganodd i feibion Ieuan Fychan ab Ieuan ab Adda a garcharwyd yng nghastell y Drewen gan Risiart Trefor. Canodd hefyd gywyddau gofyn a serch.

Awdur

• Yr Athro David James Bowen

Ffynonellau

• Jones a Lewis, Mynegai i Farddoniaeth y Llawysgrifau (1928), a'r cyfeiriadau a roir yno
• Cylchgrawn Llyfrgell Genedlaethol Cymru, viii, 119

Dolenni Ychwanegol

• Wikidata: Q20734244

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/