LEWYS MORGANNWG (fl. 1520-65), enw barddonol Llywelyn ap Rhisiart, 'Pencerdd y Tair Talaith' ac un o brif feirdd hanes Morgannwg
Ffugenw: Lewys Morgannwg
Rhiant: Rhisiart ap Rhys Brydydd
Rhyw: Gwryw
Galwedigaeth: 'Pencerdd y Tair Talaith' ac un o brif feirdd hanes Morgannwg
Maes gweithgaredd: Hanes a Diwylliant; Barddoniaeth
Awdur: Evan John Saunders
Brodor o Fro Morgannwg ydoedd a'i gartref yn Llanilltud Fawr. Yng nghastell cyfagos Llanddunod y trigai Syr Edward Stradling, ei noddwr cyntaf, ac yr oedd ei gyfaill Iorwerth Fynglwyd yn byw yn yr un fro. Mewn marwnad iddo, cydnebydd mai Tudur Aled fu ei athro barddonol, a chynganeddai'n gywrain a gorchestol yn unol â rheolau enwog ei feistr. Fel un o'r beirdd olaf, os nad yr olaf, i ganu yn y ffydd Gatholig, y mae inni ddiddordeb neilltuol yn ei ganiadau crefyddol. Canodd yn ddefosiynol iawn i'r Grog yn Llanfaes a Llangynwyd, a hefyd i'r Wyry Fair o Benrhys pan oedd Penrhys yn gyrchle i filoedd o bererinion. Am fod canu i fuchedd y saint yn draddodiadol ymhlith penceirddiaid, gwnaeth yntau gerdd i Illtyd, nawdd-sant ei fro enedigol. Ond i Leision abad olaf Nedd y cyflwynodd ei awdl fawr sy'n cynnwys pedwar mesur ar hugain a darlun byw cyfamserol o'r fynachlog yn ei gogoniant.
Y mae gwerth eithriadol i'r hanesydd yng nghaniadau Lewys Morgannwg i'w noddwyr lluosog, am ei fod yn gyfoes â chyfnod y cyfnewidiadau chwyldroadol yn hanes crefydd, cyfraith, a chymdeithas. Fel bardd yr Herbertiaid daeth i gysylltiad agos â'r teulu a lanwodd y mwyafrif o'r swyddau pwysig o dan y gyfundrefn newydd. Yn ei gerddi iddynt hawdd canfod y swyn a oedd yn y Llys yn Llundain i noddwyr llên a diwylliant Cymru, a bod buddiannau'r pendefigion yn cael eu clymu'n dynn wrth yr orsedd trwy swyddau a meddiannau mynachlogydd. Mewn marwnad i Rys ap Siôn o Lyn Nedd clywir sŵn gwrthwynebiad i'r dylanwadau Seisnig a oedd yn graddol ymlusgo dros Forgannwg a Gwent.
Awdur
- Evan John Saunders
- Hopkin-James a T. C. Evans, Hen Gwndidau, Carolau, a Chywyddau (Bangor 1910)
- 'Gweithiau Lewys Morgannwg' gan E. J. Saunders (heb eu cyhoeddi)
- Archifau LlGC: Peniarth MS 60: Barddoniaeth
- Archifau LlGC: Peniarth MS 64: Barddoniaeth
- Archifau LlGC: Peniarth MS 66: Barddoniaeth
- Archifau LlGC: Peniarth MS 76: Cerddi serch
- Archifau LlGC: Peniarth MS 77: Barddoniaeth Lewis Glyn Cothi
- Archifau LlGC: Peniarth MS 80: Barddoniaeth
- Archifau LlGC: Peniarth MS 83: Barddoniaeth
- Archifau LlGC: Peniarth MS 96: The poetical works of Lewys Dwnn
- Archifau LlGC: Peniarth MS 97: Barddoniaeth
- Archifau LlGC: Peniarth MS 99: Cywyddau ac odlau Guto'r Glyn
- Archifau LlGC: Peniarth MS 100: Barddoniaeth
- Archifau LlGC: Peniarth MS 101: Poetry
- Archifau LlGC: Peniarth MS 103: Llyfr Moelyrch
- Archifau LlGC: Peniarth MS 112: Llyfr cywyddau Siôn ap William ap Siôn
- Archifau LlGC: Peniarth MS 114: Cywyddau i Lewis Gwynn
- Archifau LlGC: Peniarth MS 119: Letters of Robert Joseph of Evesham
- Archifau LlGC: Peniarth MS 121: Poetry, &c.
- Archifau LlGC: Peniarth MS 132: Achau
- Archifau LlGC: NLW MS 3037B, NLW MS 3048D, NLW MS 3049D, NLW MS 3051D
- Archifau LlGC: Llanstephan MS 6: Poetry by Dafydd ap Gwilym, &c.
- Archifau LlGC: Llanstephan MS 7: The poetrical works of Lewis Glyn Cothi, Ieuan Brechfa and others
- Archifau LlGC: Llanstephan MS 30: Poetry
- Archifau LlGC: Llanstephan MS 35: Poetry
- Archifau LlGC: Llanstephan MS 40: Poetry in praise of Gruffydd Dwnn
- Archifau LlGC: Llanstephan MS 47: Poetry
- Archifau LlGC: Llanstephan MS 55: Poetry, vocabulary, Dafydd Ddu's Grammar, &c.
- Archifau LlGC: Llanstephan MS 122: Poetry
- Archifau LlGC: Llanstephan MS 123: Poetry
- Archifau LlGC: Llanstephan MS 124: Poetry
- Archifau LlGC: Llanstephan MS 133: Poetry
- Archifau LlGC: Llanstephan MS 134: Y Llyfr Hir o'r Mwythig
- Archifau LlGC: Llanstephan MS 135: Poetry, prophecies, &c
- Archifau LlGC: Llanstephan MS 148: Copies from the Red Book of Hergest
- Archifau LlGC: Llanstephan MS 163: Poetry and prophecies
- Archifau LlGC: Llanstephan MS 164: Poetry, biblical history, &c.
- Archifau LlGC: Llanstephan MS 165: Poetry
- Jesus College Manuscripts 12, 15, 17
- Cardiff Manuscripts 7, 18, 19, 20, 26, 27, 63, 83, 84
- G. J. Williams, Traddodiad Llenyddol Morgannwg (1948) (mynegai)
Ffynonellau
- Erthygl Wicipedia: Lewys Morgannwg
Darllen Pellach
Dyddiad cyhoeddi: 1953
Hawlfraint Erthygl: http://rightsstatements.org/page/InC-RUU/1.0/
Mae'r Bywgraffiadur Cymreig yn cael ei ddarparu gan Lyfrgell Genedlaethol Cymru a Chanolfan Uwchefrydiau Cymreig a Cheltaidd Prifysgol Cymru. Mae ar gael am ddim ac nid yw'n derbyn cymorth grant. Byddai cyfraniad ariannol yn ein helpu i gynnal a gwella'r wefan er mwyn i ni fedru parhau i gydnabod Cymry sydd wedi gwneud cyfraniad nodedig i fywyd yng Nghymru a thu hwnt.
Ewch i'n tudalen codi arian am ragor o wybodaeth.